https://wiki.ekatrafoundation.org/index.php?action=history&feed=atom&title=%E2%80%93_%E0%AA%85%E0%AA%A8%E0%AB%87_%E0%AA%AD%E0%AB%8C%E0%AA%AE%E0%AA%BF%E0%AA%A4%E0%AA%BF%E0%AA%95%E0%AA%BE%2F%E0%AA%98%E0%AA%BE%E0%AA%B8
– અને ભૌમિતિકા/ઘાસ - Revision history
2026-05-13T13:46:12Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E2%80%93_%E0%AA%85%E0%AA%A8%E0%AB%87_%E0%AA%AD%E0%AB%8C%E0%AA%AE%E0%AA%BF%E0%AA%A4%E0%AA%BF%E0%AA%95%E0%AA%BE/%E0%AA%98%E0%AA%BE%E0%AA%B8&diff=69745&oldid=prev
Meghdhanu: +1
2024-02-16T16:17:53Z
<p>+1</p>
<p><b>New page</b></p><div>{{SetTitle}}<br />
<br />
{{Heading|ઘાસ}}<br />
<br />
<poem><br />
આંખોમાં લીલીછમ ઈર્ષ્યા ઉગાડી દેતું આ ઘાસ<br />
પવનનાં ટેરવાં થઈ સળવળે ચારે કોર.<br />
મારી પાંપણ પર સ્થિર થવા મથતી<br />
માખી જેવી ક્ષણ તો<br />
ઘાસ ઉપર અસવાર થઈને ફેલાઈ જાય અહીંથી દૂ....ર.<br />
ચરણ તો પરિચિત આ ભૂમિથી<br />
જેમાં પગલાંની કૈં રેખાઓ ઉપસેલી એક વાર<br />
કે છૂટાં પડ્યાંનો ભેદ પડ્યો હતો<br />
તમારી ને મારી વચ્ચે અવકાશ થઈને.<br />
એ તો લહેરાય હવે સમતલ મૌન થઈને<br />
મારી આંખોમાં મારી સામે.<br />
<br />
મૌનને ઝાકળભીની કીકીઓમાં ભંડારું<br />
ઉપર પાંપણનું ઘાસ પાથરું<br />
કે આંખોમાં વેરાતા લીલા ઘેનમાં<br />
ઊઘડે કોઈ આઘેનું વન.<br />
શકુંતલા ત્યાં ઘાસ નીરતી,<br />
હરણ તો બાળક થઈને ગેલ કરતાં કૂદે,<br />
કૂદતાં કૂદતાં સાવ લગોલગ આવે મારી પાસે<br />
ને અચાનક મારી પાંપણોનું ઘાસ ફરકી જાય...<br />
કે પેલું વન સરકી જાય...જોજન દૂ...ર જોજન દૂ...ર<br />
ને જોઉં તો શકુંતલાની ઓઢણીમાંથી<br />
હમણાં જ ફૂટેલો તાજો તડકો<br />
પીળી ચકલી થઈને ઘાસ ઉપર ઝોલાં ખાય.<br />
હજી ય પડઘાય પેલાં દોડી આવેલાં હરણોનાં પગલાં<br />
મારી આંખોમાં.<br />
કીકીઓમાંથી પગલાં પાછાં શમણાં થઈને<br />
ઘાસ ઉપરથી વહેતાં ચાલે;<br />
પીછાં જેવો આમતેમ આળોટું<br />
ને મારી કીકીઓની સાવ નજીક<br />
કીડીઓના હાથી ઘાસના વનમાં મ્હાલે;<br />
આ ગોકળગાય તો મામાની મોટી ગાય<br />
ધીમે ધીમે ચાલે;<br />
ને આ નાની લીલી ઈયળ<br />
મારા સ્વપ્નલોકની નગરીના રસ્તામાં જાણે<br />
ઘાસની બે પત્તીઓ વચ્ચે પુલ થઈને ઝૂલે;<br />
ને આ લીલો તીતીઘોડો<br />
કોઈ સોનેરી નગરીના રાજકુમારના ઘોડા જેવો<br />
ઘડીક રંગમાં ભળતો<br />
ઘડીક પડતો આખડતો ઊડે બૂડે.<br />
<br />
ઘાસનો લય આળોટે મારામાં–<br />
ને હું રોમેરોમ જન્મી શકુંશતવાર :<br />
છાતી ઉપર ધબકતા આકાશને ઓઢી લઉં,<br />
ઝાકળમાં સૂરજને તોલું<br />
ચરતાં અશ્વ અને વન્યપશુના ઉચ્છ્વાસ માણી લઉં<br />
<br />
{{Right|ઑગસ્ટ ૧૯૬૯}}<br />
</poem><br />
<br />
<br><br />
{{HeaderNav2<br />
|previous = મેઘલ અંધકાર, તડકો અને આપણે<br />
|next = ગામ તરફ (ગાડીમાં)<br />
}}</div>
Meghdhanu