તારાપણાના શહેરમાં/આજના માણસની ગઝલ: Difference between revisions
Jump to navigation
Jump to search
(+1) |
(+1) |
(No difference)
|
Latest revision as of 00:57, 13 May 2024
આજના માણસની ગઝલ
ટોળાની શૂન્યતા છું જવા દો કશું નથી
મારા જીવનનો મર્મ છું, હું છું ને હું નથી
હું તો નગરનો ઢોલ છું દાંડી પીટો મને
ખાલીપણું બીજા તો કોઈ કામનું નથી
શૂળી ઉપર જીવું છું ને લંબાતો હાથ છું
મારામાં ને ઈશુમાં બીજું કૈં નવું નથી
નામર્દ શહેનશાહનું ફરમાન થઈ જઈશ
હું ઢોલ છું, પીટો, મને કૈં પણ થતું નથી
સાંત્વનનાં પોલાં થીગડાંમાં સૂઈ ગઈ છે રાત
બીડીના ઠુંઠિયામાં કોઈ બોલતું નથી