કાવ્ય-આચમન શ્રેણી – ચંદ્રકાન્ત શેઠ/૪૫. ‘પાંચ अ-કાવ્યો’માંથી: Difference between revisions
Jump to navigation
Jump to search
KhyatiJoshi (talk | contribs) (Created page with "{{SetTitle}} {{Heading|૪૫. ‘પાંચ अ-કાવ્યો’માંથી| ચંદ્રકાન્ત શેઠ}} <poem> '''પ્લાસ્ટિકન...") |
(No difference)
|
Revision as of 15:19, 29 July 2021
૪૫. ‘પાંચ अ-કાવ્યો’માંથી
ચંદ્રકાન્ત શેઠ
<poem>
પ્લાસ્ટિકની કોથળીઓ ઊભી વાટે ઊડાઊડ કરતી આ પ્લાસ્ટિકની કોથળીઓ :
- પ્રદૂષણની પોટલીઓ!
ભુખાળવી ગાયોની જઠર પર ઘસાતી
- મૈયતની કારમી ઓકળીઓ!
આ કોથળીઓને
- ટપટપ વીણીને લઈ જનારી
- પેલી પસ્તીવાળી થીંગડિયાળી બાળાઓ
- ન આવી શકી આ મંગળ પ્રભાતે!
સૂર્યોદયમાંથી સર્વોદય અવતરવાની
- એક રંગીન આશાનું
- આ અકાળ મરણ!
- એક રંગીન આશાનું
કુળની લીલી વાડીના
- આ વસમા સુકારાએ
- નીંદર ગુમાવી બેઠેલી
- ઘસાઈ ગયેલા સિક્કા જેવી મા
- મેલા પાલવનો ચીંથરાળો છેડો
- નપાણિયા કૂવાના જર્જર થાળા જેવી કેડે ખોસી,
- લચી પડી – મચી પડી
- એક પછી એક પ્લાસ્ટિકની કોથળીઓ વીણવામાં!
- નીંદર ગુમાવી બેઠેલી
- આ વસમા સુકારાએ
પે...એ...લ્લી મસમોટી કોથળી!
- રેશનિંગનો બાજરો ભરવામાં કામ લાગશે...
ઓ પે...લ્લી દૂધની ખાલ કોથળી...
- આવી પચીસ-પચાસ કોથળીઓ જડી જાય ને...
તો... તો...
- પસ્તીવાળાને દેતાં રૂપિયારોડાનો પાકો જોગ થઈ જાય...
પેલી કોથળી ભલે ને રહી નાની,
- પણ મારી બે રૂપિયાની નોટનાં અડધિયાં
- ગોઠવાઈ જશે એમાં બરોબર!
- પણ મારી બે રૂપિયાની નોટનાં અડધિયાં
પિન મરાવી દઈશું પેલા પસા પટાવાળા કને
- એટલે ચાલશે કોઈ ગુજરીની હાટમાં...
અને પેલી સજ્જડ બંધ થાય એવી કોથળી બાબુડાને કામ આવશે ચવાણું ભરી દેવામાં... એ ચવાણું ભરી દેવાના પ્લાસ્ટિકના ડબ્બા
- આમ ક્યાં પડ્યા છે રેઢા – રસ્તામાં?
દોડબોડમાં બાબુડો પહેલો આવી
- ખેંચી લાવે કોઈ ડબ્બાનું ઇનામ...
પણ... માની પસ્તી જોવા ટેવાયેલી નજર
- અટકી ગઈ બાબુડાના રાંટા પગ આગળ...
મા અટકી ગઈ બોલતાં બોલતાં... પછી બબડી :
- હવે તો મારે આ બાબુડાને માટે ચાવણા જોગી
- બેચાર કિલો કોથળીઓ તો ભેળી કરવી જ છે!
- હવે તો મારે આ બાબુડાને માટે ચાવણા જોગી
૧૩-૫-૨૦૦૩
(ભીની હવા ભીના શ્વાસ, ૨૦૦૮, પૃ. ૪૯)