મધ્યકાલીન ગુજરાતી કાવ્યસંપદા/પદ (૧૮)

પદ (૧૮)

રમણ સોની

રૂડી ને રઢિયાળી, કહાના! તારી વાંસળી રે,
તે તો મારા મંદિરિયામાં સંભળાય.
જીવડો આકુળ-વ્યાકુળ થાય.
પાણીડાને મસે રે, બહેની! જોવા નીકળી રે; રૂડી૦

ઉઢાણી ભરાવી આંબા ડાળ,
બેડલું મેલ્યું રે સરોવર પાળ.
કહાનજી કોડીલો રે છેડો મારો ગ્રહી રહ્યો રે; રૂડી૦

‘મેલો, મેલો, પાતળિયા કહાન!’
તેણે મારી ગઈ છે સુધ ને સાન.
નરસૈંયાચો સ્વામી રે, બાઈ! મુંને તાંહાં મળ્યો રે, રૂડી૦