મધ્યકાલીન ગુજરાતી કાવ્યસંપદા/પદ (૩૮)

પદ (૩૮)

રમણ સોની

ભૂતકાળ ભક્તિ પદારથ મોટું, બ્રહ્મલોકમાં નાહીં રે;
પુણ્ય કરી અમરાપુરી પામ્યા, અંતે ચોરાસી માંહીં રે.
ભૂતળ
હરિના જન તો મુક્તિ ન જાચે, જાચે જનમોજનમ અવતાર રે,
નિત્ય સેવા, નિત્ય કીર્તન-ઓચ્છવ, નિરખવા નંદકુમાર રે.
ભૂતળ
ભરતખંડ ભૂતળમાં જન્મી જેણે ગોવિંદના ગુણ ગાયા રે,
ધન્ય ધન્ય એનાં માતાપિતાને, સફળ કરી એણે કાયા રે.
ભૂતળ
ધન્ય વૃંદાવન, ધન્ય એ લીલા, ધન્ય એ વ્રજનાં વાસી રે;
અષ્ટ મહાસિદ્ધિ આંગણિયે રે ઊભી, મુક્તિ થઈ રહી દાસી રે.
ભૂતળ
એ રસનો સ્વાદ શંકર જાણે, કે જાણે શુક્રજોગી રે,
કાંઈએક જાણે વ્રજની વનિતા: ભણે નરસૈંયો ભોગી રે.
ભૂતળ