મધ્યકાલીન ગુજરાતી કાવ્યસંપદા/હરિશ્ચંદ્રાખ્યાન કડવું ૧

કડવું ૧

રમણ સોની

રાગ રામગ્રી
સરસ્વતીકેરા પુજાું પાયજી, શારદામાતા કરો પસાયજી;
ગણપતિ ગુણનિધી ગુણભંડારજી, સેવક જનની કરજો સ્હાયજી.

ઢાળ
કરો સેવક ની સ્હાયસ્વામી, નિર્મળ તમારૂં નામ;
નિર્મળ વાણી આપીએ, સુધબુધ કેરા શામ.
ઉમયાને અંગે ઉપન્યો, વરતીયો જયજયકાર;
સુરસર્વ સેવા કરે, સુર સર્વનો પ્રતિહાર.
કપૂરે કરૂં આરતી, સિંદુરે કરૂં શણગાર;
એકદંતો સુંઢાળો, મોદીક વલ્લભ અહાર.

વલણ
મોદીક વલ્લભ અહાર સ્વામિ, પાયે લાગી પ્રણમું;
દોમતિ માતા શારદા, સરસ્વત સ્વામને નમું.