પુનરપિ/ઓસ્ટ્રેલિયાઈ મૅગપાઈ

ઓસ્ટ્રેલિયાઈ મૅગપાઈ

ઓસ્ટ્રેલિયાને પણ છે આલ્પ્સ!
નામ નકલિયું, મૌલિક ઝગમગતા આકાર.
ત્રણસો યુકેલિપ્ટસના પ્રકાર.
ત્રીજાકારી પર્ણો રચે ચાળણી;
પડતા બરફનું અનુકરણ કરતો
સૂરજ તેમાંથી ખરતો.

પર્ણઘટા ને પડ્યાં પાંદડાં વચ્ચે
થડ પાતળા દૂધે નહાય;
સંતાકૂકડી ઊડતો જાય
ઓસ્ટ્રેલિયાઈ મૅગપાઈ.
કાગડો હિમ-લૂગડામાં,
સફળ નહીં તે હાલ,
કદી બને ન કપડાં ખાલ.
ઓસ્ટ્રેલિયાઈ ઘેટાંમાં ન માતો વરુ!
જંગલ-દંગલ આવો દેશ,
ન કોઈ પશુને વાઘનો વેશ.
પુરુષ માટે રાખ્યો?

ચાલો પાછા આલ્પ્સ પરે
જ્યાં સૂરજ હિમકણ જેમ ખરે
યુકેલિપ્ટસની ચાળણી તળે.
જ્યાં શિખર-ગરુડની પાંખ ભરી
વળ વળતી ખીણે ગોઠવ્યાં વાદળાં!
કો નદીએ લઘિમા સિદ્ધ કરી!

સ્નોઈ માઉન્ટન્સ, ઓસ્ટ્રેલિયા
4-6-’57