અર્વાચીન ગુજરાતી કાવ્યસંપદા/અનિલ જોશી/બીક ના બતાવો!: Difference between revisions
Jump to navigation
Jump to search
MeghaBhavsar (talk | contribs) (Created page with "{{SetTitle}} {{Heading|બીક ના બતાવો!|અનિલ જોશી}} <poem> મારી કોઈ ડાળખીમાં પાંદડાં નથી :...") |
KhyatiJoshi (talk | contribs) No edit summary |
||
| Line 28: | Line 28: | ||
:: મને પાનખરની બીક ના બતાવો! | :: મને પાનખરની બીક ના બતાવો! | ||
</poem> | </poem> | ||
{{HeaderNav2 | |||
|previous =બરફનાં પંખી | |||
|next =રંગભેદ | |||
}} | |||
Latest revision as of 11:37, 23 October 2021
બીક ના બતાવો!
અનિલ જોશી
મારી કોઈ ડાળખીમાં પાંદડાં નથી
મને પાનખરની બીક ના બતાવો!
પંખી સહિત હવા ચાતરીને જાય
એવું આષાઢી દિવસોમાં લાગે.
આંબાનું સાવ ભલે લાકડું કહેવાઉં
પણ મારામાં ઝાડ હજી જાગે.
માળામાં ગોઠવેલી સળી હું નથી
મને વીજળીની બીક ના બતાવો!
એકેય ડાળીથી હવે ઝીલ્યો ન જાય
કોઈ રાતી કીડીનોય ભાર.
એક પછી એક ડાળ ખરતી જોઈને પૂછું :
પડવાને કેટલી છે વાર?
હું બરફમાં ગોઠવેલું પાણી નથી
મને સૂરજની બીક ના બતાવો!
મારી કોઈ ડાળખીમાં પાંદડાં નથી
મને પાનખરની બીક ના બતાવો!