અર્વાચીન ગુજરાતી કાવ્યસંપદા/મણિલાલ હ. પટેલ/માટી અને મેઘ: Difference between revisions

From Ekatra Wiki
Jump to navigation Jump to search
No edit summary
No edit summary
 
Line 23: Line 23:
મેઘ અને માટીનાં મન મળી ગયાં છે...
મેઘ અને માટીનાં મન મળી ગયાં છે...
</poem>
</poem>
{{HeaderNav2
|previous =નદી
|next =વ્હાલનું વૃક્ષ
}}

Latest revision as of 09:36, 28 October 2021


માટી અને મેઘ

મણિલાલ હ. પટેલ

માટી અને મેઘનાં મન મળી ગયાં છે
આ તડકો અને ઘાસ એવાં તો ભળી ગયાં છે —
કે નોખાં પાડી શકાતાં નથી પરસ્પરને
કઈ સોનાસળી ને કઈ કિરણસળી...!
હળી ગઈ છે હવાઓ મોસમી પવનો સાથે
તે ઘાસમાં ઘૂમરીઓ ખાય છે આકાશ!
પૃથ્વી સ્પંદિત થઈ ઊઠી છે આજે...
દરજીડો પાન સીવીને માળો રચે છે
રતુંબડો રાગ છલકાય છે કૂંપળે કૂંપળે
કાબરી ગાયે પાસો મૂક્યો હોય એમ —
આભલું વરસે છે... ધરતી તેજ તેજ છે...
સીતાફળીની ડાળે ડાળે સારા દ્હાડા બેઠા છે!
અરે! આ તો ધૂપ-છાંવ કે અલખની પ્રીતિ?
આ તરુઘટાઓ છે કે મેઘમાટીની અભિવ્યક્તિ રીતિ?!
ખેતરે ખેતરે ઝાંઝરી ને —
ઋતુની ખંજરી વાગે છે દિવસરાત...
કાંટાળા વાડે વાડે ફૂલોવાળી વેલ ચઢી છે —
હવે, કવિતા લખવાની જરૂર જ ક્યાં છે? —
મેઘ અને માટીનાં મન મળી ગયાં છે...