ગુજરાતી સાહિત્યકોશ ખંડ ૩/અનુક્રમ/પ/પ્રેતકથા

પ્રેતકથા (Ghost-Story) : આ પ્રકારની વાર્તાનાં મૂળ મનુષ્યની આદિમ કલ્પનાવૃત્તિમાં પડેલાં છે. ‘ભૂતપ્રેત’ની કલ્પના એ મૃત્યુ વિશેના મનુષ્યના વિચારોનો એક આત્યંતિક ફાંટો છે. આ વિચારધારાના પોષણ માટે તેમજ માત્ર સનસનાટીભર્યા મનોરંજન માટે પણ આ પ્રકારોનું કથાલેખન પ્રસિદ્ધિ પામે છે. ગંભીર સાહિત્યમાં આ પ્રકારના કથાઅંશોનો પ્રતીકાત્મક રીતે વિનિયોગ કરવામાં આવે છે. શેક્સપિયરનાં અનેક નાટકોમાં આ તત્ત્વનો વિનિયોગ થયેલો છે. વિશાળ અર્થમાં આ પ્રકારની વાર્તાઓ રહસ્યવાર્તા (Suspense Storiec) તરીકે પણ ઓળખાય છે. પ.ના.