કાવ્ય-આચમન શ્રેણી – હરિકૃષ્ણ પાઠક/૫. માળો બાંધીને: Difference between revisions
Jump to navigation
Jump to search
MeghaBhavsar (talk | contribs) (Created page with "{{SetTitle}} {{Heading|૫. માળો બાંધીને|}} <poem> માળો બાંધીને મનવા શું રે કરું, :: અહીંથી...") |
(No difference)
|
Revision as of 07:59, 14 December 2021
૫. માળો બાંધીને
માળો બાંધીને મનવા શું રે કરું,
અહીંથી ઊડ ઊડ થાતું રે મંન.
ઘડી બે ઘડીનો આ તો આશરો
એમાં ઠરે નહીં તણખલાંનું તંન.
માળો બાંધીને મનવા શું રે કરું!
અલગારી આલમનો આદિ આતમો,
એને જચે નહિ જગના વ્હેવાર,
છળના વેલા રે જળમાં પાંગર્યા,
ખેપું સતની કરવાને ખુવાર.
માળો બાંધીને મનવા શું રે કરું!
ઝરડે ઝરડાશે ને ઝરી જશે
કાચી કાંચળીની કાય;
જગના નેડા રે કેડા ઝાલશે,
સાચા સમાશું મનમાંય.
માળો બાંધીને મનવા શું રે કરું!
૧૮-૮-૬૭
(જળમાં લખવાં નામ, પૃ. ૧૪)