ઋણાનુબંધ/શિશુ: Difference between revisions
Jump to navigation
Jump to search
KhyatiJoshi (talk | contribs) (Created page with "{{SetTitle}} {{Heading|શિશુ|}} <poem> હવે થોડા દિવસ હવે થોડા પ્રહરો ને પછી વિદાય લેતી મ...") |
KhyatiJoshi (talk | contribs) No edit summary |
||
Line 24: | Line 24: | ||
કોઈ મોડી મોડી થનાર માતાના ગર્ભમાં—બાળક બનવા! | કોઈ મોડી મોડી થનાર માતાના ગર્ભમાં—બાળક બનવા! | ||
</poem> | </poem> | ||
<br> | |||
{{HeaderNav2 | |||
|previous = ગતિવિધિ | |||
|next = —ને હું | |||
}} |
Latest revision as of 07:16, 19 April 2022
શિશુ
હવે થોડા દિવસ
હવે થોડા પ્રહરો
ને પછી
વિદાય લેતી મારી જિંદગી…
સંબંધીઓ આશ્વાસન આપવાને બહાને આવેલા
ધીમું ધીમું ગણગણશે
મારા મૃત્યુ પામેલા વાંઝિયાપણા માટે—
વાત તો સાચી!
મારામાં કેટલાંય રણ સૂકાં રહ્યાં
ને મેં વિચાર્યા કર્યું.
મારામાં કેટલાંય વૃક્ષ મ્હોર્યા વિનાનાં રહ્યાં
ને મેં જોયા કર્યું.
એક મારી જ કૂખ મ્હોરી નહીં
ને મેં વિલાયા કર્યું.
હવે આ મૃત્યુ સમયે
શય્યામાં કોઈ શિશુ લાવો! ગાલમાં ખંજન પાડતું—
પૃથ્વીનું એ કોમલ રૂપ ચૂમીને પ્રાણ તજું.
હું જ જાઉં છું હવે
કોઈ મોડી મોડી થનાર માતાના ગર્ભમાં—બાળક બનવા!