ઋણાનુબંધ/પ્રતીતિ: Difference between revisions
Jump to navigation
Jump to search
KhyatiJoshi (talk | contribs) (Created page with "{{SetTitle}} {{Heading|પ્રતીતિ|}} <poem> પ્રેમ કરતાં કરતાં તને થયેલા પરસેવાને કદાચ મ...") |
(No difference)
|
Revision as of 10:18, 19 April 2022
પ્રતીતિ
પ્રેમ કરતાં કરતાં
તને થયેલા પરસેવાને
કદાચ
મારા છેલ્લા શ્વાસ
પંખો નાખી રહ્યાની
તને પ્રતીતિ થશે
ત્યારે પણ
તું
મને હડસેલીને
સહજ ઊઠી
તારા શર્ટ કોટ ટાઈ
ને
ચકચકતા શૂઝ પહેરી,
ગાડીની ચાવી કાઢી
બંધ કરેલી બ્રીફકેઈસને
હાથમાં ઝુલાવતો ઝુલાવતો,
મારા અનાવરણ મૃત દેહ તરફ
આંખથી
એકેય હરફ ઉચ્ચાર્યા વિના
વર્ષોના સહવાસને
રાખમાં ઢબૂરી દઈ
વ્યવસ્થિત મનોદશામાં પ્રતિષ્ઠિત ગૃહસ્થી બની
કંઈ જ ન બન્યું હોય એમ
સડસડાટ
દાદર ઊતરી જશે…!