ઋણાનુબંધ/એ ભૂલી જજે: Difference between revisions
KhyatiJoshi (talk | contribs) (Created page with "{{SetTitle}} {{Heading|એ ભૂલી જજે|}} <poem> આપણે એકમેકની આંખમાં સુખની સવાર આંજી ઊઠ્યા...") |
KhyatiJoshi (talk | contribs) No edit summary |
||
Line 50: | Line 50: | ||
એ ભૂલી જજે. | એ ભૂલી જજે. | ||
</poem> | </poem> | ||
<br> | |||
{{HeaderNav2 | |||
|previous = વૃદ્ધાવસ્થા | |||
|next = તું | |||
}} |
Latest revision as of 10:37, 20 April 2022
આપણે એકમેકની આંખમાં સુખની સવાર આંજી
ઊઠ્યાં હતાં
એ ભૂલી જજે.
આપણે શાવરના ફુવારામાંથી નીતરતા જળને
સ્નિગ્ધ ત્વચા પરથી સરી જવા દીધું હતું
એ ભૂલી જજે.
આપણે સામેના ઉપવનમાં ચાર પગલાંની અખૂટ
વાતો સાંભળી હતી
એ ભૂલી જજે.
આપણે વૃક્ષો નીચે આડી પડેલી બપોરને
ઝરણાંની ટેપ સંભળાવી હતી
એ ભૂલી જજે.
આપણે ફૂલોને આંખથી પંપાળ્યાં હતાં
એ ભૂલી જજે.
આપણે ઊડતાં પતંગિયાંને કવિના શબ્દો માની
ઝીલવા દોડ્યાં હતાં
એ ભૂલી જજે.
આપણે એકમેકના ખોળામાં સૂઈ વહાલ
નામનું બાળક ઉછેર્યું હતું
એ ભૂલી જજે.
આપણે દરિયાકિનારે ટહેલતાં ટહેલતાં ડૂબતા
સૂરજની સાખે ચુંબનોનો ખજાનો લૂંટ્યો હતો
એ ભૂલી જજે.
આપણે તારાઓની ઠઠમાં નક્ષત્રોને ઓળખવાની
રમત રમ્યાં હતાં
એ ભૂલી જજે.
આપણે રાતના અંધકારમાં શબ્દોને દીવે
એકમેકને વાંચ્યાં હતાં
એ ભૂલી જજે.
આપણે સુખ નામના પ્રદેશમાં અગણિત દિવસો
સુધી ઘૂમ્યાં હતાં
એ ભૂલી જજે.
આપણે તું અને હુંનો સરવાળો હતાં
એ ભૂલી જજે.