સોરઠી સંતવાણી/પ્રેમનું ખેતર: Difference between revisions
Jump to navigation
Jump to search
MeghaBhavsar (talk | contribs) (Created page with "{{SetTitle}} {{Heading|પ્રેમનું ખેતર| }} <poem> ચેતી લેને ચેતી લેને પરદેશી ઘેલા રે! ખે...") |
(No difference)
|
Revision as of 05:32, 27 April 2022
પ્રેમનું ખેતર
ચેતી લેને ચેતી લેને પરદેશી ઘેલા રે!
ખેતર આ પડતર તારા પ્રેમનું હે જી.
હરિ નામનાં રે હળિયાં લૈને જોડાવ,
ધોરી રે મેલ્ય તારા ઢળકતા હે જી.
વિધવિધ નામનાં રે વાવણિયાં લઈને જોડાવ,
બીઆં રે બોઆવ બહુનામનાં હે જી.
રામ રે નામની વાડ્યું રે લૈને કરાવ,
ભુંડણ રે ખેતર તારાં ભેળશે હે જી.
મન રે પવનનો મેડો રે લૈને નખાવ,
ટોયો રે રાખ તારા તનનો હે જી.
ગોવિંદ નામની ગોફણ લૈને ગુંથાવ,
ગોળા રે ફેંક ગરુના નામના હે જી.
આવી રે મોસમ તારી, માર રે લૈને સંભાળ,
ખળામાં રે જમડા જીવને લૂંટશે હે જી.
કહે રે અખોજી, જીતી રે બાજી મત હાર!
ગામેતી પતળ્યા તારા શેર’ના હે જી.