કાવ્ય-આચમન શ્રેણી – લાભશંકર ઠાકર/૧૭.હરિવર આવો ને: Difference between revisions
MeghaBhavsar (talk | contribs) (Created page with "{{SetTitle}} {{Heading|૧૭.હરિવર આવો ને|}} <poem> હરિવર આવો ને ફૂલપરીની લાશ લટકતી લાવો ન...") |
(No difference)
|
Revision as of 05:09, 17 June 2022
હરિવર આવો ને
ફૂલપરીની લાશ લટકતી લાવો ને
લૂખી આંખો મોતી બબડ્યાં
બોર બોર આંસુઓ ગબડ્યાં
ચંચળતા લોખંડ બનીને
ખાઉં ખાઉં કરતી રે ખાતી કાટ
નાનકડી કેડી પર ઘોરે
એક અડીખમ વાટ
વાટ સળગાવો ને
હરિવર આવો ને
ફૂલપરીની લાશ લટકતી લાવો ને.
ચોપડીઓના કિલ્લા તોડી
મનના ઘોડા નાસે
લગામની લપટી લાલચ આ
હિ હિ હા હા હાસે
નાસે છે હિમ્મતનાં ડગલાં
પ્રજળે છે પાવકનાં પગલાં
પગલાંની લક્ષ્મણરેખામાં
પથ્થરનું એક હરણું
શબ્દોનું ચાવે છે હરદમ
સૂકું સૂકું તરણું
તરણાને તણખો મૂકી સળગાવો ને
હરિવર આવો ને
ફૂલપરીની લાશ લટકતી લાવો ને.
સૂરજનું અવસાન થશે
ને જશે આંખ મીંચાઈ
શબ્દો સૌ પથ્થર થઈ ખરશે
ખખડી ઊઠશે ખાઈ
ખાઈ મહીં લીલા થીર જળમાં
કાગળની એક હોડી
ટગરમગર ચોગરદમ જોતું
એ હોડીમાં આંસુ રોતું
એ આંસુને કાંક કરી સમજાવો ને
ટગરમગર ચોગરદમ જોતું
હરિવર આવો ને
ફૂલપરીની લાશ લટકતી લાવો ને.
(મારા નામને દરવાજે , ૨૦11, પૃ. ૬૫-૬૬)