ગુજરાતી ગઝલસંપદા/ અશોકપુરી ગોસ્વામી: Difference between revisions
Jump to navigation
Jump to search
(Created page with "{{SetTitle}} {{Heading| અશોકપુરી ગોસ્વામી |}} <poem> દરિયો હતો, હોડી હતી, ને ખારવો હતો એવે સમે ખુદા તને પડકારવો હતો.<br> એવા પ્રયાસમાં હું સતત જીતતો ગયો, જીતેલ દાવને ફરીથી હારવો હતો.<br> રણમાંય મજા થાત; ખામી આપ...") |
(No difference)
|
Latest revision as of 14:09, 8 January 2023
અશોકપુરી ગોસ્વામી
દરિયો હતો, હોડી હતી, ને ખારવો હતો
એવે સમે ખુદા તને પડકારવો હતો.
એવા પ્રયાસમાં હું સતત જીતતો ગયો,
જીતેલ દાવને ફરીથી હારવો હતો.
રણમાંય મજા થાત; ખામી આપણી હતી,
રણને જ આપણે બગીચો ધારવો હતો.
જીત્યાનો અર્થ હાર પણ ક્યારેક થાય છે,
એવી જ હારથી તને ઉગારવો હતો.
ઊંચકી શકું, એનાથી વધુ ભાર લૈ ફર્યો,
થોડોક ભાર, હે ગઝલ! ઉતારવો હતો.