ગુજરાતી ગઝલસંપદા/ દિલીપ વ્યાસ: Difference between revisions
Jump to navigation
Jump to search
(Created page with "{{SetTitle}} {{Heading| દિલીપ વ્યાસ |}} <poem> તમામ સ્વર્ગ ને તમામ નરક મારામાં; ફકીર મોજથી ફૂંકે છે ચલમ મારામાં!<br> કદીય શબ્દની ધૂણી નથી ઠરવા દીધી, હંમેશ એટલો જગવ્યો છે અલખ મારામાં.<br> જરીય ભય નથી બંધનનો હવે...") |
(No difference)
|
Latest revision as of 14:22, 8 January 2023
દિલીપ વ્યાસ
તમામ સ્વર્ગ ને તમામ નરક મારામાં;
ફકીર મોજથી ફૂંકે છે ચલમ મારામાં!
કદીય શબ્દની ધૂણી નથી ઠરવા દીધી,
હંમેશ એટલો જગવ્યો છે અલખ મારામાં.
જરીય ભય નથી બંધનનો હવે માયાથી,
થયેલ હોઉં છું પોતે જ, ગરક મારામાં.
સળગતો પ્રશ્ન છતાં બેફિકર છું, કારણ કે –
ભલે હું ઊંઘતો, જાગે છે ગઝલ મારામાં!
પુણ્ય ને પાપ તો ભાસે છે રમતના સાથી,
કરું છું જ્યારે હું શૈશવનું સ્મરણ મારામાં!