ગુજરાતી ગઝલસંપદા/ બાબુલાલ ચાવડા ‘આતુર’: Difference between revisions
Jump to navigation
Jump to search
(Created page with "{{SetTitle}} {{Heading| બાબુલાલ ચાવડા ‘આતુર’ |}} <poem> યાદનો ઘેઘૂર વડલો સાચવ્યો છે મેં હજી, આંખમાં થોડોક વગડો સાચવ્યો છે મેં હજી.<br> એક ગાડાવાટ મારા કાળજામાં જાય છે, એક જણ માટે જ રસ્તો સાચવ્યો છે મેં હજી.<b...") |
(No difference)
|
Latest revision as of 15:28, 8 January 2023
બાબુલાલ ચાવડા ‘આતુર’
યાદનો ઘેઘૂર વડલો સાચવ્યો છે મેં હજી,
આંખમાં થોડોક વગડો સાચવ્યો છે મેં હજી.
એક ગાડાવાટ મારા કાળજામાં જાય છે,
એક જણ માટે જ રસ્તો સાચવ્યો છે મેં હજી.
રોજ બાવળના પીળાં ફૂલો ખરે છે આંગણે,
રક્તમાં આ કેમ કાંટો સાચવ્યો છે મેં હજી!
જળ અને જળના હિલોળા જ્યાં કદી થીજી ગયા,
એ સરોવરનો કિનારો સાચવ્યો છે મેં હજી.
ગામમાં 'આતુર' ઝૂરે છે એક ખાલી ખોરડું,
સાત પેઢીનો નિસાસો સાચવ્યો છે મેં હજી.