ગુજરાતી ગઝલસંપદા/ મિલિન્દ ગઢવી: Difference between revisions
Jump to navigation
Jump to search
(Created page with "{{SetTitle}} {{Heading| મિલિન્દ ગઢવી |}} <poem> રે લોલ સૂરજ થઈ જવાના કોડમાં હાંફી ગયા રે લોલ દીવાઓ બિચારા હોડમાં હાંફી ગયા<br> આજેય સૂના કાંગરે પડઘાય કેસરિયો સમય રે લોલ તારી યાદના ચિત્તોડમાં હાંફી ગયા<br> ક...") |
(No difference)
|
Latest revision as of 15:29, 8 January 2023
મિલિન્દ ગઢવી
રે લોલ સૂરજ થઈ જવાના કોડમાં હાંફી ગયા
રે લોલ દીવાઓ બિચારા હોડમાં હાંફી ગયા
આજેય સૂના કાંગરે પડઘાય કેસરિયો સમય
રે લોલ તારી યાદના ચિત્તોડમાં હાંફી ગયા
ક્યાં એકપણ રસ્તો હવે લઈ જાય મારી ભીતરે
રે લોલ મારા શ્વાસ પણ ઘરફોડમાં હાંફી ગયા
છેવટ મળી બે ગજ ધરા સૌ ઝંખના દફનાવવા
રે લોલ આથમવા સુધીની દોડમાં હાંફી ગયા
તું આવ ત્યારે અર્થનું આકાશ લેતી આવજે
રે લોલ શબ્દો કાગળોની સોડમાં હાંફી ગયા
ઊગ્યાં કરે છે જંગલોના જંગલો છાતી મહીં
રે લોલ જ્યાં એકવાર લીલાં છોડમાં હાંફી ગયા