અર્વાચીન ગુજરાતી કાવ્યસંપદા/બકુલ રાવલ/માય ના ઉમંગ: Difference between revisions
Jump to navigation
Jump to search
HardikSoni (talk | contribs) (Created page with "<poem> આખુંય આભ મારી આંખોમાં ઊતર્યું {{space}}ને અવનિ તો અંગ અંગ મહેકી મનના...") |
(No difference)
|
Revision as of 08:19, 28 June 2021
આખુંય આભ મારી આંખોમાં ઊતર્યું
ને અવનિ તો અંગ અંગ મહેકી
મનના મરગલાનો માય ના ઉમંગ
મારી લાગણીઓ જાય આજ લહેકી
પાંપણમાં ડોકાયા તારલિયા એમ ખૂલી
સૂરજ ચંદરની બારી
સંધ્યાના રંગ મારી કીકીમાં ઝૂક્યા
ને રાતડીએ માયા વિસ્તારી
સપનાંની દુનિયાયે જાગી અંગડાઈ લઈ એવી કે
મારી ચેતનાઓ જાય આજ બહેકી
ફૂલડાંની ફોરમ ને માટીની સોડમથી
અંતરને ઠેસ એવી લાગી
ગોપીની મટુકી-શી કાયામાં આજ
જાણે કાનુડાની કાંકરી વાગી.
વનરા તે વનમાં બોલ્યા વિના જ મારી
અંતરની સૃષ્ટિ ગઈ ચહેકી.
(મૌનના પડઘા, ૧૯૯૦, પૃ. ૪૦)