યાત્રા/સદૈવ: Difference between revisions

{{Heading|સદૈવ|}}

પરાગપુટ શી સમૃદ્ધ છલકતી તેજચ્છટા,

પરાત્પરની પૂર્ણિમા અકલ સૌ કલાસંયુતા.

અમે બહુ મથ્યા, પરંતુ નવ પ્રાપ્તિ સાધી કંઈ,

દરિદ્ર અને લક્ષ્મી સૌ, અબલ આ અમારું બલ,

ત્વદીય શુભ દર્શને નયન તૃપ્ત હાવાં થતાં,

હવે જ ઋતધામના ઉઘડતા દિસે આગળા,

હવે જ ગરલો થકી અમૃત કેરી આશા થતી,

તને નયનમાં, તને હૃદયમાં હવે સ્થાપશું,

સદૈવ તવ સંગતે જગત્પથ વટાવશું.

સમસ્ત અરિ સંગ ઉગ્ર પડકાર ઉચ્ચારશું,

પરાત્પરની એક આણ અહીં માત્ર આરાધશું.

હવે અમ અધૂરી ભાવભરતી બધી છાંડવી;

સહસ્ર યુગની હવે ઉદિત પૂર્ણિમા શારદી,

મનસ્તલ વિષે સમસ્ત ઋતની જ શશ્વપ્રભા.

અહા મધુર દીધ શું મધુર સ્વપ્ન તે, શ્રીમયી!

પસાર વર હસ્ત, સર્વવરદાયી લીલામયી!

<br>

<br>