સંજુ વાળાનાં કાવ્યો/પ્રમાણિત છે સાહેબ: Difference between revisions
Jump to navigation
Jump to search
પ્રમાણિત છે સાહેબ
(+1) |
(No difference)
|
Latest revision as of 00:52, 22 February 2024
લયથી ઉપર ગયા તે લયાન્વિત છે સાહેબ
બાકી પ્રવાહમાં જ પ્રવાહિત છે સાહેબ
વાણીની ચોથી વશથી વિભૂષિત છે સાહેબ
સમજાય તો સરળ રીતે સાબિત છે સાહેબ
બારાખડીની બહાર જે મંડિત છે સાહેબ
તે સૌ સ્વરોમાં તું જ સમાહિત છે સાહેબ
કોણે નદીનાં વ્હેણ વહાવ્યાં કવન વિશે?
’ને કોણ બુન્દ બુન્દુ તિરોહિત છે સાહેબ
વૃક્ષોના કાનમાં જે પવન મંત્ર ફૂંકતો
તેના વિશે અજ્ઞાત સૌ પંડિત છે સાહેબ
અંગત હકીકતો જ અભિવ્યક્ત થઈ કિન્તુ
તારા પ્રમાણથી ય પ્રમાણિત છે સાહેબ
સઘળી સમજનો છેવટે નિષ્કર્ષ એ મળ્યો
છું ક્યાંક હું, તો ક્યાંક તું ચર્ચિત છે સાહેબ