સંજુ વાળાનાં કાવ્યો/તને રાણી!: Difference between revisions
Jump to navigation
Jump to search
તને રાણી!
(+1) |
(No difference)
|
Latest revision as of 00:59, 22 February 2024
વરસાદી સ્વપ્નો વચ્ચેથી હરશું તને રાણી!
નિત નિત નવું વરસીને ભીંજવશું તને રાણી!
હૈયે ઠરી હળશું અને મળશું તને રાણી!
ખોવાઈ જઈશું ને ફરી જડશું તને રાણી!
સૌ ટાઢ-તડકા, વાયરાને ખાળશું, ખમશું
સૌહાર્દના છાંયાથી છાવરશું તને રાણી!
એકાંત, અંગતતા બધું અર્પણ કરી દઈશું
મેળા, મહોત્સવ જેમ ઊજવશું તને રાણી!
પંડિત પુરાણીએ કહ્યું : છે પાણીનો તું પિંડ
તો પાણી-પાણી થઈને વિનવશું તેને રાણી!
વહેલી પરોઢે થઈ નવું નક્ષત્ર ઊગે છે તું
ત્યાં જાગરણ જેવું જ સાંપડશું તને રાણી!
ચંપા-ચમેલી જેમ તારી વેણીએ મહેકી–
કરમાઈ જાશું તે છતાં ગમશું તને રાણી!