હરીશ મીનાશ્રુની કવિતા/અભિધા: Difference between revisions
Jump to navigation
Jump to search
અભિધા
(+1) |
(No difference)
|
Latest revision as of 00:46, 27 February 2024
રે અભિધા! તું અને આ શુભ્ર કાગળની ધરા
લક્ષણા-ભારે લચી, પગલું ભરે તું મંથરા
વ્યક્ત કરવાને મથે છે તું સ્વયંને, રમ્યને
લયલિપિમાં બદ્ધ જાણે કોઈ શાપિત અપ્સરા
કલ્પદ્રુમે પર્ણકલ્પનનાં નિમંત્રણ ફરફરે
તું પ્રવેશી ગઈ સકલ વિષે ઋતુ ઋતંભરા
શાહીમાં વ્યાપી વળી સત્તા હવે સુંદર તણી
શબ્દમાં તું : પેયના માધુર્યમાં જ્યમ શર્કરા
અર્થનાં પુષ્પો, વ્યથા ને અક્ષરો ઉત્સવ બને
આ મુહૂર્તે હોઠ પર ચુંબન મૂકી દે સ્રગ્ધરા