કંદમૂળ/વટેમાર્ગુ: Difference between revisions

From Ekatra Wiki
Jump to navigation Jump to search
(+1)
 
(No difference)

Latest revision as of 01:11, 9 March 2024

વટેમાર્ગુ

સમુદ્રમાં સરકતી માછલીઓ
તેની પાછળ તણાતાં પાણી
પાણી પાછળ ખેંચાતા મગરમચ્છ
ને મગરમચ્છના મોંમાં
લોહીનીતરતા પગ.
કોના?
કોઈ તરસ્યા વટેમાર્ગુના?
તરસ પાણીની,
તરસ લોહીની,
તરસ યાત્રાની...
તરસ જેટલી સાચી તેટલી જ માયાવી.
ને માયા,
લઈ જાય દૂર, જોજનો દૂર.
પણ ન લઈ જાય નજીક, સાવ નજીક.
માછલીઓ પીએ પાણીને
અને પાણી પેદા કરે માછલીઓને.
પણ એમની વચ્ચેનું અંતર,
તરસ બનીને તરવરે,
સરોવરના પાણીમાં.
ને વટેમાર્ગુ આવે
એ સરોવરની પાસે,
અતિ પાસે.