કંદરા/આરબ અને ઊંટ: Difference between revisions
Jump to navigation
Jump to search
આરબ અને ઊંટ
(+1) |
(No difference)
|
Latest revision as of 01:17, 20 March 2024
એક જુવાન ઊંટ
પોતાની અંદર
ખૂબ બધું પાણી ભરી લઈને
ચાલી નીકળ્યું છે
એકલું
રેતીમાં.
રેતીને ચાટે છે, સૂગાળવાં જડબાંથી.
ને સામે મળે કોઈ આરબ તો
નથી આપતો પાણી સહેજે ય.
ને જો કોઈ બાંધી દે
એની પીઠ પર બાળક તો
દોડે છે એ, દોડે છે એ,
ત્યાં સુધી
જ્યાં સુધી
એ બાળકમાં જીવ હોય.
ને પછી બેસી પડે છે એ
રેતીમાં
ને વમળાય છે
ફગાવી દેવા એ બાળકને.
પણ પછી ત્યાં કોઈ ફરકતું નથી.
ને પીધા કરે છે એ
પોતાનું પાણી
ટીપાંઓમાં તારવીને.
❏