કંસારા બજાર/પ્રહસન: Difference between revisions
Jump to navigation
Jump to search
પ્રહસન
(+1) |
(No difference)
|
Latest revision as of 01:18, 21 March 2024
ચોમેર બરફના પર્વતો છે,
અને હું,
પેંગ્વિનનાં ટોળાં વચ્ચે,
ઘેરાયેલી બેઠી. છું.
પૂર્વજ જેવા પેંગ્વિન
તેમનાં ભરાવદાર શરીરોમાં
હિમપુરૂષના જન્મની કહાણીઓ. છુપાવીને ઊભાં છે,
હું હજી એક સવાલ કરું છું ને
બરફના પર્વેતો પાણી થઈને વહેવા માંડે છે.
પૂરમાં ઘસડાઈ જતા પેંગ્વિન સાથે
હું પણ વહી નીકળું છું.
પાછળ રહી જાય છે
હિમપુરુષનું પ્રહસન.