ખારાં ઝરણ/દશ્યો છે, બેશુમાર છે: Difference between revisions
Jump to navigation
Jump to search
દશ્યો છે, બેશુમાર છે
(+1) |
(No difference)
|
Latest revision as of 00:28, 2 April 2024
દશ્યો છે, બેશુમાર છે
દૃશ્યો છે, બેશુમાર છે,
આંખો છે કે વખાર છે?
આકાશે ધક્કો માર્યો,
ખરતા તારે સવાર છે.
ગુલામપટ્ટો પહેરાવે,
ઇચ્છાઓનું બજાર છે.
નામ જવા દો ઈશ્વરનું,
ગામ આખાનો ઉતાર છે.
પરપોટામાં ફરે હવા,
જળ મધ્યેનો વિહાર છે.
મેં દીઠી છે સુગંધને,
પતંગિયાનો પ્રકાર છે.
મેં સારેલાં આંસુઓ,
તારે નામે ઉધાર છે.
૨૩-૩-૨૦૦૭