તારાપણાના શહેરમાં/મારુંય કૈંક નામ: Difference between revisions
Jump to navigation
Jump to search
(+1) |
(No difference)
|
Latest revision as of 01:23, 14 May 2024
મારુંય કૈંક નામ
તારો ભલે ને શ્વાસ ભળ્યો હો સુગંધમાં
મારુંય કૈંક નામ છે પર્ણોના કંપમાં
વીતતા સમયની સાથે વધી રહી છે તીવ્રતા
મારણ ઘૂંટાતું જાય છે ઘટનાના ડંખમાં
ડૂબી જવા છતાંય ગહનતા મળી નહીં
કાંઠા સુધી તો જાત જો વ્હેતે તરંગમાં
શ્વાસોમાં રોજ ઊઘડે છે સ્પર્શનું પરોઢ
ઊડી ગઈ છે મ્હેક તો ઝાકળના રંગમાં
ચોંકી જવાના મોહથી હું છૂટતો નથી
તું ક્યાં કદી મળે છે સૂરજના સંબંધમાં
જીવી રહ્યો છું તારી પ્રતીક્ષાના નામ પર
મારી ગણતરી થાય છે વિક્રમ સવંતમાં