તારાપણાના શહેરમાં/જવાહરગીરી નથી: Difference between revisions
Jump to navigation
Jump to search
(+1) |
(No difference)
|
Latest revision as of 02:30, 14 May 2024
જવાહરગીરી નથી
બોલ્યાને યુગ થયો અને પડઘા હજી નથી
એક ભીંત પણ આ શૂન્યતા બાંધી શકી નથી
આંખો ભરીભરીને ક્ષિતિજ લૂંટતા રહો
વાતાવરણ મિલનનું, મળો… એ પછી નથી
તારા જવા પછી જ થવાનું છે ભાન તો
સ્વપ્નો સિવાય કૈં નથી તો હું દુઃખી નથી
એ ક્યાં મને નિકટ થવા દે છે હજી સુધી
કોણે કહ્યું કે એને જરાપણ પડી નથી
કોઈ લખાવે છે ને લખ્યું જાઉં છું ‘ફના’
મારી ગઝલમાં કોઈ જવાહરગીરી નથી