તારાપણાના શહેરમાં/વૃત્તયઃ પંચતયઃ: Difference between revisions
Jump to navigation
Jump to search
(+1) |
(No difference)
|
Latest revision as of 01:19, 15 May 2024
વૃત્તયઃ પંચતયઃ
ધોમ તડકાનું દઈ ઘેન સુવાડે છે મને
રાત પડતાં જ તિમિર છાંટી જગાવે છે મને
છીપમાં ચંદ્રમણિ રૂપ ધરી સ્હેજ... છૂપે
પકડી પાડું તો એ મોતીથી વધાવે છે મને
એનું હોવાપણું આકાશકુસુમવત્ લાગે
શ્વાસમાં લઉં તો સુગંધોથી સજાવે છે મને
ભૂલવા જાઉં તો આ ભૂલવું પણ યાદ રહે
યાદ આવે પછી મુજથીય ભુલાવે છે મને
સાંભળું, જોઉં કે ધારું તો કરી દે ધુમ્મસ
ઓગળી જાઉં તો ભીનાશમાં ઝાલે છે મને