કાવ્ય-આચમન શ્રેણી – મનુભાઈ ત્રિવેદી/સોહી પુરુષ અવધૂતા

૩૬. સોહી પુરુષ અવધૂતા

જેને ઠગે નહીં જગદૂતા રે
⁠ ભાઈ, સોહી પુરુષ અવધૂતા.
કરમવિમોચન લકડી હે કરમાં,
⁠ કટે ન કળિયા કૂત્તા;
કર જોડીને રહે દૂર સહુ
⁠ વશવરતી જમદૂતા રે. —
⁠ ભાઈ, સોહી પુરુષ અવધૂતા.
એક સત્યકા સાધક હે વોહી,
⁠ અવર બાત અનરૂતા;
અહોરાત ખાલિકસે ખેલે
⁠ પરમાનંદકા પૂતા રે. —
⁠ ભાઈ, સોહી પુરુષ અવધૂતા.
જાગ્રત કહો તો જાગ્રત હે સો,
⁠ સૂતા કહે તો સૂતા;
કહે સરોદ, સબ કુછ કરતા ઓર
⁠ કરે ન કુછ અદ્ભુતા રે.—
⁠ ભાઈ, સોહી પુરુષ અવધૂતા.

⁠(સુરતા, પૃ. ૧૧૫)