હેમંત ધોરડાનાં ચૂંટેલાં કાવ્યો/નજરના તાર ઉપર તારા તું ચલાવ મને: Difference between revisions
Jump to navigation
Jump to search
નજરના તાર ઉપર તારા તું ચલાવ મને
(+1) |
(No difference)
|
Revision as of 10:49, 2 June 2024
નજરના તાર ઉપર તારા તું ચલાવ મને
પડી જો જાઉં તો પાંપણ વડે ઉઠાવ મને
મિલનનો વર્ષોમાં આવે છે જે એ અવસર છું
તું તારા હોઠનાં ફૂલો વડે સજાવ મને.
છું કોઇ સ્વપ્નનાં દૃશ્યો નયનમાં સાચવી રાખ
ગમે છે બહુ તને એ લય છું ગુનગુનાવ મને.
ઊડી જઈશ બહુ અંગત પળેાની સૌરભ છું
તું વાતવાતમાં હોઠો ઉપર ન લાવ મને
પલકમાં તારી નિકટ છું અને પલકમાં નથી
જરાક સાચવી આંખોમાં પટપટાવ મને