હેમંત ધોરડાનાં ચૂંટેલાં કાવ્યો/વીતે ન એક ઘડીથી ઘડી એક ક્ષણથી ક્ષણ: Difference between revisions
Jump to navigation
Jump to search
વીતે ન એક ઘડીથી ઘડી એક ક્ષણથી ક્ષણ
(+1) |
(No difference)
|
Revision as of 10:58, 2 June 2024
વીતે ન એક ઘડીથી ઘડી એક ક્ષણથી ક્ષણ
હું ઓગળી ન જાઉં અને રાત પણ કઠણ.
સુક્કાં અધર ઉપર ન કોઈ શબ્દ કલરવે
ઊડી ન જાય ખુલ્લાં નયનથી કોઈ વલણ.
પથરાળ ટેરવામાં કોઈ સ્પર્શ ના વહે
ને વિસ્તરે ઉદાસ હથેળીમાં રણનાં રણ.
અંતર કદી રુવાંથી રુવાંનું તૂટે નહીં
લીરા કરી ત્વચાના ઊડાવે ન કોઈ વ્રણ
ટપકે ન આંખથી કે એ છલકે ન લિંગથી
અવગત રુધિરને ન મળે કોઈ ઘાવ પણ.