હેમંત ધોરડાનાં ચૂંટેલાં કાવ્યો/કાચ જેવું પાતળું ગમતું ક્યાં સંભાળીએ: Difference between revisions
Jump to navigation
Jump to search
કાચ જેવું પાતળું ગમતું ક્યાં સંભાળીએ
(+1) |
(No difference)
|
Revision as of 02:36, 3 June 2024
કાચ જેવું પાતળું ગમતું ક્યાં સંભાળીએ
જે તરફ પણ ચાલીએ એ તરફ અથડાઈયે.
નીતર્યું ઝિલમિલ છીએ ચોતરફ ધૂસર વચે
કઈ તરફથી શી ખબર કઈ ઘડી ડહોળાઈએ.
માટીમાં ભીનપ છીએ પથ્થરોના દેશમાં
ક્યાં લગી અમને અમે ક્યાં બચાવી રાખીએ.
મહેક છીએ આસથી પાસમાં આછોતરી
અમને ઝંઝામાં અમે ઝાલીએ તો ઝાલીએ.
શોષ ટળવળ કંઠથી આંખ લગ આવ્યો હવે
ઝાંખરેથી ઝાંખરે ક્યાં લગી ઘસડાઈએ.