હેમંત ધોરડાનાં ચૂંટેલાં કાવ્યો/કંકર બોલે પાણી બોલે કાળી માટી બોલે: Difference between revisions
Jump to navigation
Jump to search
કંકર બોલે પાણી બોલે કાળી માટી બોલે
(+1) |
(No difference)
|
Revision as of 02:54, 3 June 2024
કંકર બોલે પાણી બોલે કાળી માટી બોલે
એ બોલે તો એની સાથે આખ્ખી ક્યારી બોલે
હમણાં આંખો ઝીલે ઝીલે હમણાં રૂંવેરૂંવું
હમણાં સરવર હમણાં એ ઝરમરની બાની બોલે
એનું બોલ્યું સઘળું માની લેવાને મન તત્પર
વૈશાખી બપ્પોરે બિલકુલ એ વરસાદી બોલે
એક વેળા એ બોલે તો બસ બીજું શું સાંભળવું
બસ એવું રગરગમાં ધબકે તો એ અબ્બી બોલે
જોકે એની ભાષા ફોરમ એની બોલી રંગો
મારી સાથે બોલે ત્યારે એ ગુજરાતી બોલે