હેમંત ધોરડાનાં ચૂંટેલાં કાવ્યો/અમે શું રેતનો ઢગલો છીએ કે લાત મારો તો તરત વિખરાઈ જાશું: Difference between revisions
Jump to navigation
Jump to search
ગઝલ
અમે શું રેતનો ઢગલો છીએ કે લાત મારો તો તરત વિખરાઈ જાશું
(+1) |
(No difference)
|
Revision as of 15:32, 3 June 2024
અમે શું રેતનો ઢગલો છીએ કે લાત મારો તો તરત વિખરાઈ જાશું
અમે શું રેતનો ઢગલો છીએ કે લાત મારો તો તરત વિખરાઈ જાશું
અમે પાણો છીએ એક લાત મારી તો જુઓ તમને અમે સમજાઈ જાશું
અમે તો વહેણ છીએ ધસતું ને ધસમસતું ને રેલાતું ને રેલાઈ જાતું
અમે શું નાનુંઅમથું ઝરણું છીએ કે તમે રોકો તો ત્યાં રોકાઈ જાશું
અમે તો મૂળિયાં છીએ હલાવી હલમલાવી શકશો નહિ કેમેય અમને
અમે શું પાંદડું છીએ તમે શું ફૂંક મારો તો અમે ગભરાઈ જાશું
અમે આંખોમાં આંખો નાખી પૂનમરાત જેવી વાત અજવાળી જ કરીએ
તમારી કાળી વાતોમાં અમે શું આંખો મીંચી લેશું ને ભરમાઈ જાશું
અમારી સાફસૂથરી કેડી બારોબાર ખળખળ પર અમે કંડારી લઈએ
તમારા ધૂળિયા વગડાના ફૂવડ ફાંટેફાંટે શું અમે ફંટાઈ જાશું
(છંદવિધાન : લગાગાગા લગાગાગા લગાગાગા લગાગાગા લગાગાગા લગાગા)