મંગલમ્/પ્રાતઃસ્મરણ

ઉપાસના
પ્રાતઃસ્મરણ

હરિઃ ૐ
⁠બ્રહ્મ સત્યમ્, જગત્ સ્ફૂર્તિઃ
⁠જીવનમ્ સત્ય શોધનમ્
નિદ્રા મહીં નહીં હતું તન ભાન જ્યારે,
જેણે જુઓ પૂરણ રક્ષણ કીધું ત્યારે,
તેને પ્રભાત સમયે પ્રથમે સ્મરું રે,
કાર્યો બધાં દિવસનાં પછીથી કરું રે.
⁠દલિત દુઃખિત પેખી, પોતીકાં માનતો જે,
⁠મૃદુ નવનીત જેવું, હૈયું જૈનું સદૈવ,
⁠સમ નિજ પર માંહીં, જે નિરાધાર મિત્ર,
⁠પ્રગટ હરિ તણી ત્યાં, મૂર્તિ દેખું પવિત્ર.
ના હું ઇચ્છું સ્વર્ગ વા ઇહ રિદ્ધિ,
ના હું ઇચ્છું જન્મ મૃત્યુથી મુક્તિ,
હું તો ઇચ્છું નમ્રભાવે દયાળુ,
સૌ પ્રાણીનાં દુઃખનો નાશ થાઓ.
⁠ક્ષમું હું સર્વ જીવોને,
⁠સર્વે જીવો ક્ષણો મને,
⁠મિત્ર હું સર્વ જીવોનો.
⁠વેર કો’થી ના મને.
ૐ શાંતિઃ શાંતિઃ શાંતિઃ