મંગલમ્/હાલો ભેરુ ગામડે

હાલો ભેરુ ગામડે

એવા આવે છે ધરતીના સાદ રે,
⁠હાલો ભેરુ ગામડે!
ભીની માટીની ગંધ આવે યાદ રે,
⁠હાલો ભેરુ ગામડે!

બોલાવે આજ એના ખુલ્લા આકાશ,
મીઠા પરોઢના અલબેલા ઉજાસ,
ઘે૨ા ઘમ્મર વલોણાના નાદ રે! …હાલો૦

ચારીશું ગાવલડી ડુંગરાને ઢાળે,
બાંધીશું હીંચકો વડલાની ડાળે,
મોર ટહુકે જ્યાં સરવરની પાળ રે! …હાલો૦

ગાઓ રે બંધવા ગામડાંનાં ગીત,
યાદ કરો ભોળુડાં માનવીની પ્રીત,
જાણે જિંદગીનાં મીઠાં નવનીત રે! …હાલો૦

ખૂંદવાને સીમ ભાઈ, ખેડવાને ખેતરો,
ભારતના ભાવિનાં ક૨વાં વાવેતરો,
હે જી… કરવા મા-ભોમને આબાદ રે!  …હાલો૦

— નાથાલાલ દવે