બાળ કાવ્ય સંપદા/તડકો (૨): Difference between revisions
Jump to navigation
Jump to search
(+1) |
(No difference)
|
Revision as of 02:02, 25 February 2025
તડકો
લેખક : સોલિડ મહેતા
(મૂળ નામ : હરીશ મહેતા)
(1953)
અલકમલકમાં ફરતો તડકો
મીઠી વાતો કરતો તડકો
ચોક ગલી ને રસ્તા વચ્ચે
ધીમાં ડગલાં ભરતો તડકો
ધરતીમાનો લાડકવાયો
પડછાયાથી ડરતો તડકો
પંખી સાથે વાદ વદીને
નીલ ગગનમાં તરતો તડકો
સવાર બપોર ને સાંજ ઢળે
નોખા રંગો ધરતો તડકો
ઊંચા નીચા પરવત પાછળ
સૂરજને કરગરતો તડકો
ઊની ઊની લૂ વરસાવી
દશે દિશે ઝરમરતો તડકો