રામચન્દ્ર પટેલની કવિતા/શોકાંજલિ

શોકાંજલિ

(સ્વ કવિ લાભશંકર ઠાકરના મૃત્યુ નિમિત્તે)

પહેલા પરોઢનો મરઘો બોલ્યો કે...
દુવારકામાં એવો શંખ કોણે ફૂંક્યો?
⁠ધરુજી ગિરનારની કાય રે...
પીપળાની પીઠેથી ઊડી પાલખી
⁠માંહ્ય પોંઢ્યા જાદવરાય રે...
⁠પહેલા પરોઢનો મરઘો બોલ્યો કે...

ઉજ્જૈન ગઢમાં કાળો ઘોડો આયો
⁠વિક્રમે કીધાં પલાણ કરે...
વૈશાખી વા વાયો કે આયો વંટોળિયો
⁠ડાકલાં વાગ્યાં મસાણ રે,
⁠પહેલા પરોઢનો મરઘો બોલ્યો કે...

પાટડી પંથક પાક્યો આંબલો
⁠હેઠે નાચ્યો અષાઢી મોર રે...
એના પીંછે પીંછે મઢ્યો મેઘમઠ
⁠દખ્ખણમાં પસર્યું ભોર રે...
⁠પહેલા પરોઢનો મરઘો બોલ્યો કે...