અર્વાચીન ગુજરાતી કાવ્યસંપદા/હેમલતા ત્રિવેદી/કોરી કટ્ટાક હું તો કેવડાની તીજ: Difference between revisions
Jump to navigation
Jump to search
MeghaBhavsar (talk | contribs) (Created page with "{{SetTitle}} {{Heading|કોરી કટ્ટાક હું તો કેવડાની તીજ|હેમલતા ત્રિવેદી}} <poem> કેવડા...") |
(No difference)
|
Revision as of 09:31, 13 July 2021
કોરી કટ્ટાક હું તો કેવડાની તીજ
હેમલતા ત્રિવેદી
કેવડાને વંન હું તો ગઈ’તી મોરી સૈયર
રંગ પીળો પાંપણે છાયો જી રે!
લીલો ચટ્ટાક નાગ સરક્યો કઈ ક્યારીએ
હું આવી, ઈ ઓરો ઓરો આયો જી રે!
કોરી કટ્ટાક હું તો કેવડાની તીજ
મારે ભીને અંબોડે લોભાયો જી રે!
સાવનરી ઘેરઘટા નીતરી રૈ નૈનથી
બબ્બે પારેવે છુપાયો જી રે!
આણું લઈ આવશે પરણ્યો પરેશથી
મારો તે માંયલો મુંઝાયો જી રે!
કોને રે દુભવું ને કોને રે રીઝવું
ચિત્તડાનો ચાટલો ચોરાયો જી રે!