અર્વાચીન ગુજરાતી કાવ્યસંપદા/મનહર મોદી/જાગ ને જાદવા: Difference between revisions
Jump to navigation
Jump to search
MeghaBhavsar (talk | contribs) (Created page with "{{SetTitle}} {{Heading|જાગ ને જાદવા|મનહર મોદી}} <poem> તેજને તાગવા, જાગ ને જાદવા, આભને મ...") |
(No difference)
|
Revision as of 11:40, 13 July 2021
જાગ ને જાદવા
મનહર મોદી
તેજને તાગવા, જાગ ને જાદવા,
આભને માપવા, જાગ ને જાદવા.
એક પર એક બસ આવતા ને જતા,
માર્ગ છે ચાલવા, જાગ ને જાદવા.
આંખ તે આંખ ના, દૃશ્ય તે દૃશ્ય ના,
ભેદ એ પામવા, જાગ ને જાદવા.
શૂન્ય છે, શબ્દ છે, બ્રહ્મ છે, સત્ય છે,
ફૂલવા ફાલવા, જાગ ને જાદવા.
ઊંઘ આવે નહીં એમ ઊંઘી જવું,
એટલું જાગવા, જાગ ને જાદવા.
આપણે આપણું હોય એથી વધુ,
અન્યને આપવા, જાગ ને જાદવા.
હું નથી, હું નથી, એમ જાણ્યા પછી,
આવવા ને જવા, જાગ ને જાદવા.
(મનહર અને મોદી, ૧૯૯૮, પૃ. ૬૫)