યોગેશ જોષીની કવિતા: Difference between revisions

Jump to navigation Jump to search
No edit summary
No edit summary
Line 1,119: Line 1,119:
== જળ વગર હું તરફડું જળમાં રહી... ==
== જળ વગર હું તરફડું જળમાં રહી... ==
<poem>
<poem>
જળ વગર હું તરફડું જળમાં રહી,
એક પળ પકડું હું ઝાકળમાં રહી!
પાંખ ફફડાવી ચહે છે ઊડવા,
આ બધાયે શબ્દ કાગળમાં રહી!
ઘર સુધી તારા કદી ના આવશે,
રોકતો હું રણને બાવળમાં રહી!
ગામ પરથી થૈ ગયાં તેઓ પસાર,
જળ ભરેલા એક વાદળમાં રહી!
એટલે ઘેરાય છે આ વાદળો,
હું ધરા ઊકેલતો હળમાં રહી!
ભેજ, માટી, તેજ ને બસ એક ક્ષણ,
રાહ જોઉં હું સતત ફળમાં રહી.
</poem>
== બધી હોડીઓ રોજ... ==
<poem>
બધી હોડીઓ રોજ પૂછ્યા કરે છે –
કિનારા હવે કેમ ડૂબ્યા કરે છે?!
મળ્યાં નૈં ખબર કૈં હજીયે નદીના,
પહાડો તો આંખોને લૂછ્યા કરે છે.
ઉતારીને કીકીય ફેંકી દીધી પણ –
નયનમાં હજી સ્વપ્ન ખૂંચ્યા કરે છે!
મોજું તો સહેજે ન તૂટે પરંતુ,
ખડકની આ છાતી ક્યાં તૂટ્યા કરે છે?
તપાસો મને કૈં થયું તો નથી ને?
ગઝલ પર ગઝલ આજ ફૂટ્યા કરે છે!
</poem>
== મૃગજળ સૂરજને પી ગયું! ==
<poem>
કૈં યુગોથી કેટલું તરસ્યું થયું;
છેવટે મૃગજળ સૂરજને પી ગયું!
હાથમાં ખાડો કરી દાટી તરસ,
થોર જેવું ટેરવે ફૂટી ગયું!
ફક્ત કો’ ખરતા પીંછાના ભારથી,
આભ આખું એકદમ ડૂબી ગયું!
સ્લેટ મેં હમણાં જ તો કોરી કરી;
કોણ આવી શૂન્યને ઘૂંટી ગયું?!
મોત આવ્યું’તું પવનનું રૂપ લઈ,
આંસુ જેવી હસ્તીને લૂછી ગયું!
</poem>
</poem>


==
<br>
<br>
<center>&#9724;</center>
<center>&#9724;</center>
<br>
<br>
Retrieved from "https://wiki.ekatrafoundation.org/wiki/યોગેશ_જોષીની_કવિતા"