યુરોપ-અનુભવ/પીસાનો ઢળતો મિનાર: Difference between revisions

ઇટલી-ઇટાલિયાની હવે – આજે તો વિદાય લેવાની છે. ગાડીની બારી પાસે બેસી બહાર જોતાં જોતાં ટાગોરની ‘ઇટાલિયા’ કવિતાની લીટીઓ યાદ કરવા મથું છું : એ તો સરમુખત્યાર મુસોલીનીનું ઇટાલિયા હતું અને કવિ ટાગોર મુસોલીનીના આમંત્રણથી આવેલા એટલે થોડા ટીકાપાત્ર પણ બનેલા. એમણે ઇટલીથી જતાં જતાં મિલાનમાં એ કવિતા રચી હતી :

‘કહ્યું – હે રાણી, કેટલાય કવિઓ તારે ચરણે આવી તને ઉપહાર ચઢાવી ગયા છે એ સાંભળીને હું આવ્યો છું, ઉષાને દ્વારે પંખીની જેમ ગીત ગાઈને ચાલ્યો જઈશ. હે રાણી, સાગર પારની કુંજોમાંથી વાંસળી લઈને આવ્યો છું, તારા મોં પરનો પડદો જરા દૂર કર, તો એક વાર તારી કાળી આંખની ચમક જોઈ લઉં…’ રાણી ઇટાલિયાએ કહ્યું કે : ‘હે કવિ તું આજે તો જા, હમણાં પાનખર છે. વસંતઋતુમાં આવજે, ત્યારે હું બોલાવીશ..’ કહ્યું : ‘હે રાણી, મારી યાત્રા તો સફળ થઈ છે…’

અમે તો ઇટાલિયાની ભરવસંતે આવ્યાં છીએ, બહુ ઓછું દર્શન થયું છે, છતાં અમારે તો એટલું જ કહેવાનું છે :

{{Poem2Close}}