સાહિત્યિક સંરસન — ૪/હૂંફ: Difference between revisions

{{Heading|16. હૂંફ | કુમાર જૈમિનિ શાસ્ત્રી }}

{{Poem2Open}}

ફેસબુક પર સ્ક્રોલ કરતાં-કરતાં અચાનક એક નારીની પોસ્ટ ધ્યાનમાં આવી હતી. જેમાં એણે તેના પતિના મૃત્યુના છેલ્લા કલાકોની ઘટનાઓ અને ઝીણીઝીણી વિગતોનું સિલસિલાવાર, કસાયેલા કથાલેખકની અદાથી, વર્ણન કર્યું હતું. એ વર્ણનની સાથે તેણે પોતાની એક તસ્વીર મૂકી હતી.. સ્લીવલેસ ટોપ— એ પણ લો-કટ ગળાનું, જેમાંથી તેની ક્લીવેજ સ્પષ્ટ દેખાતી હતી. વર્ણ ગોરો, ભરાવદાર મુખડું અને અન્ય બધું... થોડું સ્થૂળ ફિગર હશે. જાડા હોઠ, ચણોઠી જેવા ઘેરા લાલ રંગની લિપસ્ટિક પણ.

ત્યાર પછી પણ એની વોલ પર પોસ્ટ મુકાતી રહી હશે. મારાથી એ બધી પોસ્ટ જોઈ શકાતી નહીં. થોડી ઘણી હું જોઈ શકતો, પણ એના પેજ પર ફૉલો અને મેસેજ એવા બે જ વિકલ્પ હતા. જેમાંથી એકમાંય આપણને તો રસ ન હોય ને! એટલે ઘણી વાર એની પોસ્ટ નજર આગળથી પસાર થાય. પણ બસ પસાર જ થાય. બે-પાંચ વખત એની પોસ્ટ નજર આગળથી પસાર થઈ હશે. પછી મને એવું લાગ્યું કે આ સ્ત્રીની કોઈ પણ પોસ્ટ સહજ, સામાન્ય કે નિર્હેતુક નથી હોતી. એમાં કોઈ નિશ્ચિત પેટર્ન છે અને મોટિફ પણ.