યોગેશ જોષીની કવિતા: Difference between revisions

← Older edit Newer edit →

VisualWikitext

@@ Line 63: / Line 63: @@
 </poem>
+== પડછાયો ==
+<poem>
+એક સાંજે
+મારાથી અળગો થઈને
+ચાલવા લાગ્યો, બસ ચાલવા લાગ્યો.
+સામેની થોરની વાડ પર આળોટ્યો
+ને લોહીઝાણ થઈ ગયો
+પછી કોક સળગતી ચિતામાંથી આરપાર પસાર થઈને
+સ્મશાન પાછળનાં લીમડાની નીચે
+ખરી પડેલાં લીલાં પાંદડાંની પથારીમાં
+આખીય રાત આળોટ્યો.
+ને સવારે ઊઠીને
+પાદરનું તળાવ એકીશ્વાસે તરી જઈને
+પહોંચ્યા સામેના જૂના મંદિરે.
+મંદિરની દીવાલ ઠેકીને પછી
+ધીમે ધીમે સરતો સરતો
+પહોંચ્યો શિખર પર
+ને ફરફરી રહ્યો પવનમાં;
+ફરફરતી મેલી ધજાના મેલમાં ભળી જઈને.
+</poem>
+== આખીય રાત... ==
+<poem>
+આખીય રાત
+મેં સાંભળ્યા કરી નીરવતા
+ને જોયા કર્યું મારી ભીતર–
+પેલા ખેતરની થોરની વાડ
+અન્ધકારને ચીરતી ધી...મે ધી...મે સરકતી સરકતી
+આવતી જાય છે મારી નજીક ને નજીક!
+સ્તબ્ધ થઈને ઊભું છે સામેનું ઝાડ
+છતાંય એનું એક પાન કમ્પે છે સતત!
+કોક આવીને
+ક્યારનુંય બેઠું છે ચૂપચાપ, આંખને કિનારે!
+થાકી ગયેલો દરિયો
+કણસે છે મારા પડખામાં,
+કોક શબના ફાટી ગયેલા ડોળા જેવી મારી આંખોમાંથી
+ફૂટ્યા કરે છે ટ્રેનની તીણી ચીસો, ચૂપચાપ!
+દીવો લઈને કશુંક ખોળવા માટે
+મારા દેહની ભીતર ફર્યા કરે છે કો’ક!
+છેક કાનના પડદા પાસે આવીને
+ધબક્યા કરે છે હૃદય!
+ભીંત પર ચોંટી રહેલું અજવાળું
+ટપ્‌ દઈને ખરી પડ્યું, ચૂપચાપ!
+હવે હું
+મારી પથારીમાં નથી.
+</poem>
 <br>
 <center>&#9724;</center>
 <br>