ગુજરાતી એકાંકીસંપદા/પેન્સિલની કબર અને મીણબત્તી: Difference between revisions

અસ્તિઃ ગળામાં, મારા દાદાને તો બીજીયે ઘણી બીમારીઓ થઈ હતી.

બામજીઃ દાખલા તરીકે…

અસ્તિઃ બ્લડપ્રેશર હતું.

બામજીઃ હાઈ કે લો?

અસ્તિઃ હાઈ –

બામજીઃ મને પણ હાઈ જ છે. બીજું?

અસ્તિઃ લકવો પણ થયો હતો.

બામજીઃ પછી?

અસ્તિઃ હરસમસા પણ નીકળ્યા હતા.

બામજીઃ લીલા કે સૂકા?

અસ્તિઃ સૂકા…

બામજીઃ મને લીલા નીકળ્યા છે. પછી?

અસ્તિઃ ખરજવું પણ થયું હતું.

બામજીઃ હં…

અસ્તિઃ છેલ્લે પાયોરિયા થયો.

બામજીઃ તારા દાદાને મર્યે કેટલાં વર્ષ થયાં?

અસ્તિઃ મરે તારા દાદા, મારા દાદા તો હજી જીવે છે.

બામજીઃ હજુ જીવે છે? શું કરે છે?

અસ્તિઃ ખેતી કરે છે.

બામજીઃ એમની ઉંમર કેટલી થઈ?

અસ્તિઃ એકસો વીસ વરસ.

બામજીઃ મારે એમને મળવું છે.

અસ્તિઃ એ કોઈને નથી મળતા, હવે એ મૃત્યુ સિવાય કોઈને મળવા નથી ઇચ્છતા, લોકોથી એમને નફરત થઈ ગઈ છે.

બામજીઃ લાવ એક બીડી કાઢ ને.

બામજીઃ માચીસ?

અસ્તિઃ માચીસ તેં ખોઈ નાખી છે, તારે શોધી આપવી પડશે. માચીસ આપણી નથી, એ તો પ્રેક્ષકોમાંથી એક ભાઈની છે. નાટક પૂરું થયા પછી એમને પાછી આપવી પડશે, પાછી નહીં આપીએ તો ઝઘડો થશે અને ઝઘડો થવાથી આપણી આબરૂના કાંકરા થઈ જશે. આપણને ઘર સુધી જવું ભારે પડી જશે.

બામજીઃ મળી ગઈ.

અસ્તિઃ મળી ગઈ? હાશ.