મનીષા જોષીની કવિતા: Difference between revisions

← Older edit Newer edit →

VisualWikitext

@@ Line 1,554: / Line 1,554: @@
 ગ્લાસને છોડવાની કોશિશ ન કરવી હિતાવહ છે.
 આ એક સાર્વજનિક બાગ છે.
+</poem>
+== ૫૧. ભુજ ==
+<poem>
+ભુજની શેરીઓમાં ઢોળાયેલા એંઠવાડની
+આસપાસ નિરાંતે ફરતી રહેતી એ ગાયો
+ઘરની બહાર ઓટલા પર મુકાતી રોટલીઓની
+રાહ જોતાં બેસી રહેલાં કૂતરાં
+ખત્રી ચકલાની ગલીના નાકે આવેલી એ પાનવાળાની દુકાન
+જેમાં ઠેરઠેર ગોઠવેલા હતા.
+મધુબાલાની મારકણી અદાઓના ફોટા
+દરબારગઢના એક ખૂણામાં ઊભી રહેતી
+ફરાળી કચોરીની એક લારી
+દાબેલી પર શણગારાતા દાડમના દાણા
+અન્નકૂટ અને હિંડોળાના દર્શને જતા ધન્ય ધન્ય લોકો
+નાગપંચમીના ભુજીયા ડુંગર પર દૂધ પીતા સાપ
+રાજેન્દ્રબાગમાં લીલાછમ ઘાસ પર ફરતી બકરાગાડીમાં
+પોતાનાં નાનકડાં બાળકોને બેસાડીને ખુશ થતાં નવાંસવાં મા-બાપ
+આયના મહેલમાં પોતાના રજવાડી પ્રતિબિંબના
+પ્રેમમાં પડી જતા વિદેશી સહેલાણીઓ
+નજરબાગની ઊંચી દીવાલો પર
+પ્રોજેક્ટર વડે દર્શાવાતી શ્વેત-અશ્વેત દસ્તાવેજી ફિલ્મો...
+ભુજ –
+સુંદર છે, સ્થગિત છે, મારી અંદર.
+મારી અંદર
+માછલીઓનું એક ટોળું
+હજી પણ આવે છે
+હમીરસરના કિનારે
+રોજ, સવાર-સાંજ
+અને લોકો એ માછલીઓને ફેંકે છે
+લોટના ટુકડા.
+ધરતીકંપે તોડી નાંખી છે
+હમીરસર તળાવની પાળ
+પણ મારી અંદર
+હજી પણ ઓગને છે, હમીરસર
+અને એક રાજા
+અંબાડી પર બેસીને આવે છે
+મારી અંદર છલકેલા તળાવને વધાવવા.
+</poem>
+== ૫૨. લીલો દુકાળ ==
+<poem>
+ખેતરોમાં પગ સમાણાં પાણી છે.
+ખેડૂતોએ ખેતરોમાં વેરેલાં બીજ
+જાણે આંખોમાંથી ઊગી નીકળ્યાં હોય તેમ
+જ્યાં જુઓ ત્યાં લીલા છોડ છે.
+પાણીને પચાવી ન શકવા છતાં,
+બેબાકળા, ઊભા છે હજી છોડ.
+ખેતરમાં તરી રહ્યાં છે, સાપ ને ઇયળ
+જીવતાં કે મૂઆં, શું ખબર.
+ખેડૂતોની ઓસરીમાં ખડકાયેલા ધાનના ઢગ
+વહી નીકળ્યા છે ઘર બહાર
+ખેતરોમાં પાક નષ્ટ કરવા આવ્યા હતા
+એ ઝેરી કીટક, હવે સાંભળી રહ્યા છે
+ત્રાજવામાં તોલાઈ રહેલા
+ડૂસકા ભરતા લણણીના ગીતને.
+વજનદાર, ખાલી મણની ચુપકીદી
+સર્વત્ર છવાયેલી છે,
+કહે છે કે લીલોદુકાળ છે આ.
 </poem>